E wissent als wir Arndt von Berengels Ritter Burgermeister ze Basel Dietrich von Senhein und Heintzman von tunsel Burger und des und des Rotss ze Basel Als botten von unseren herren den reteten geordnet zuͦ diser sach von solicher vorderung[en] und zuͦsprach So Peter zem Wind an die wirdigen frowen Priolin und Couent ze Klingental ze Basel gehept. Dar ruͤrende von frow Agnes zem Wind siner swoͤster seligen Och etwen Closter frowe ze Klingental. Das wir do die selben beide teÿl von befolhnuͤs und herren von Basel vorgenant. In der guͤtekeit mitenander uͤbertragen und gericht hant. Inmossen als harnoch geschriben stot. Das ist also das die obgenanten frowen die Priolin und Couent Peter zem Wind harus geben sollen den beschlagne kopf den sin obgenant swoͤster im hin uß geordnet hat siner lebtagen ze gebruchen und das er den wider noch sinem tode an die Custerige ze Klingental vallen solt. Der selb kopf sol dem selben Peter zem Wind ledeklich ze eigen beliben und sich des die obgen[an]t frowen nu und ewiklich en zichen. Dartzuͦ sollen im die selben frowen geben fiertzig Rinscher Guldin fur alle die ansprach so der selb Peter zem Wind an die obgenant frowen P[ri]olin und Couent ze klingental gehept hat oder in keinen weg haben moͤcht wie und in welen weg die gedocht oder genant sint oder sin moͤchten gar nutzit hindan gesetzet und der selb Peter sol och Inen alle die brieff Rodel Kuntschaft Geschrift oder was er denne hat das die selben frowen Priolin und Couent ieme[r]me besweren oder zuͦ schaden bringen koͤnde oder moͤchte gentzlich zuͦ iren handen fuͤgen vor und eb das sÿ im die selben fiertzig guldin und kopf hinuß geben und das sol er tuͤn by dem eide den er der stat basel getan hat. Were aber das dehein solich Brief Rodel oder Geschrift de handen belibe und zuͦ der zit nit funden moͤchte werden und die den frowen nicht geantwuͤrt noch [hinuß??] geben wuͤrden soͤllich Brieff Rodel und Geschrift soͤllent hinnent hin den obgenan[n]t[en] frowen noch iren nochkomenen keinen gebriesten noch dem egen[ann]t[en] Peter zem Wind noch sinen erben oder wer dartzͦ verwant woͤr keinen nutz bringen. In keinen Weg und wir obgenannt Arnolt von Berenfels Dietrich von Senhein und Heintzman von Tunsel bekennent und verjechent in Craft diß briefes das soͤlicher uͤberrtrag mit der egen[ann]t[en] beider teil wissen und willen zuͦgegangen und beschechen. Und den[n] die Priolin vorgenant von gemeins Closters wegen fur sy und ir nochkomen und Peter zem Wind fuͤr sich und sin erben. In min Arnoltzs von Berenfels hand gelopt hant stet vest und unverbrochenlich ze habende und do wider niemer getuͦn noch schaffen geton werden in deheinen weg allgeuerde und agelist gentzlich harinne uß gescheiden und des zuͦ worem urkͤnds haben wir drÿe botten vorgenant unsere Ingesigle gehenket an disen brief und ich Peter zem Wind vorgen[ann]t bekennen mich offenlich mit disem Brief fuͤr mich min erben und nochkomen das alle und yeglich stuck und sachen als vorgeschriben stot mit mine[m] guͤten gwist und willen zuͦ gegangen sint und wan[n] mir die egenant Erwirdigen frowen die Priolin und Co[n]uent die vorgeschribnen fiertzig guldin und oͧch den Kopf harus geben hand und noch solichem uͤrtrag ein gantz guͤt genͤgen geton hant harumb so quietiere ich fuͤr mich min erben und nochkomen die selben frowen und ir closter aller an sprach so ich obegen[ann]t Peter zem Wind min erben und nochkomen nu oder hienoch in deheinen weg an die egen[ann]t frowen und ir closter habend oder haben moͤgent sunder sage sie des obgeschribnen geltes der fiertzig guldin und des kopfes und sust aller ansproch qwit ledig und loß. Und des und aller vorgesch[ribner] dinge zuͦ merer sicherheit so han ich min eigen Ingesigel gehenet zuͦ den obgenant miner herren Ingesigel zuͦ ende diss brieffes der geben ward am nechsten donstag vor unser frowentag jorlich sinß anno mcccc° §§§§§§§§ [=26.01.1436]