(2)

...Zum übrigen

so gespürrendt wier für und für das vill unser

ungehorsamen knechten heimlouffent onne passportten

unnd onne alle ursach, und müchtennt üch minen

herren fürgen sachen, die sy nit erwysen mögen

wie vor ouch beschächen ist, denn selben wellent

kein glauben gebenn, bis dass ich üch min herren

berichten mag, dann mine knecht unnder minen

fendlin keyner reden soll dass er ann gellttt

oder spys unnd tranck mangel gehann heyge

das wyl ich gnugsamlich bezügen. So hanndt

wier noch vonn Gottes gnaden gemeinlich kein

thüre ghann, unnd dass es war syge, so handt

wier noch für und für iii gutte brott umb ein stüber

unnd denn wynn ein gross pott imb ii oder iii stüber

unnd eettwann wolfeyller unnd darnach wenig zytt

thürrer ouch. So hanndt wier die viertt bezallung

vor acht tagen empfangen, unnd württ man unns die

fünff angentz auch usrichten, dis wellent ir an

mich nit achten üch min herren hiemit benügen, han

üch der warheytt nit unbericht wellen lassen

damit ir min herren desterbas mit söllichen so allso

mit andren fürgeben umbgandt wüssent zu handlen.

...

In St Sene (?) im Burgund, 22.4.1569