Uffsatz der gmeindt uff dem
rathuss, uff Sontag den 14.
Ougsten, im 1569 iar.
Unser bott so gan Sollothurn, zum franzosen, verornnett wirt
(2)
der sol in bevelch haben, zuo lossen, ob der mertheil von den cristen-
lichen, cathollischen ortten, dem khünig uss Frankrich, den uffpruch
der sechsthussig Eidtgnossen wie er begertt, zethun, bewilgen,
so sol er den in unserm namen ouch bewilgen, und erlouben.
So aber der mertheil der gsantten, von gesagten ortten dem küng
die knecht zuo bewilgen nit gewalt haben, so wellend wir uss
ouch noch nit bewilgett haben. Sunders werdend das wider-
um an ein gantze gmeindt khomen lassen. Und so dem
khünig die knecht von der mertheil ortten erloupt, und bewilget
wirdt, so sol unser bott mit allem höchsten ernst mit dem franzosen
reden, das er den houptlütten ein guotte bestellung gen, damit sy die
knecht wol besolden mögen und dester bass erlich dapffer gsellen mögend
annemen, und das die unsern nit wie aber leider beschechen frost
und hungers sterben müssen.
So etwan ein amptman wil in den ietzigen krieg ziechen so ists
im erloupt, doch das er minen heren ein stadhalltter gebe der ime
gsellig sig.