Gestreng edel vest...

...wüssen unnsser

und unsser gmeinen knechten, Gott hab lob, woll standt,

demnach unsser herr oberster bin uch ankhomen, ...

...Der tagen ir Mt uns den marschalck von

Gottschi geschickt, welcher uns fürbracht, der küng uns in

fünff tagen zwo zallungen erlegen werde, dorunder die ein

der schlacht soldt genempt, witer anzeigt der küng angents

solchen noch etlich houptlüt zehoff beschicken werde, mitt uns

unsser ustenden zallungen halben zu uber khomen, auch ir

Mt als dan uns, vernügt, heim zeschicken vorhabens

sige,

(2)

guten hoffnung ir Mt unsser truwen dienst in aller

billichkeit erkhennen werde, wir in kurtzem uch v g

herren heim suchen mögen, ir unsser g h hab er auch

uns gschriben, was gstalt der handel, ...

...In einem andern schriben auch

meldung beschechen, wie uwers burgers Ottmar Jeren

so by hauptman Khun von Ury dienett, gut bevogten

lassen, sinen wib und kinden, so mangelbar, ze

uberantwurten, welchs mir gmelten haptman geret,

des er woll zefriden sy zu vernügen, die wil aber ietz

die stras unsicher haben wir solchs zeschicken underlassen,

wie vorgemelt, das gelt in kurztem mit gwüseren

bottscht uberantwurt werden mag, in solchem und

hocheren uch u g h ze ghorsamen, wir uns schuldig

erkhenen, mitt undertheniger pitt ir uns fürer in

trüwem befelch erhalten wellen, wie bishar, witters..

(3)

...Datum Rivarum 4 mil von Thours den 27 tag

ienner im 1570 iar.