Uff hütt ist Jacob Rychli

uss dem ampt Littow erschinen

und gebetten, demnach er ouch an der

schlacht zu Plaville in franckrych gsin

und lettstlich nach dem dritten angriff

durch ettlicher kleinmüttiger eerloser

lütten uffwiglung und anstifftung

ein unfal sich zu tragen, das ettliche zu rugk

abgwichen, diewyl aber er noch (?) im

dritten und lettsten angriff verhanden

gsin und sin best gethan, wie er durch

gnugsame kundschafft getruwe zu

erwysen. Sye syn höchste pitt ime

die selbige zu verhören und ime ein

schyn werden lassen damit er von

denen, so ime söllichs bishar uffgehept

möge gerüwiget werden.

Allso hend MGH ime syn kundschafft

verhört, da sich gnuogsam befunden

das er noch im dritten angriff

(2)

da gsin und sin best than, ist ime sinem

begären nach ein schyn geben worden, das man

inne rüwig und ungetratzet lassen sölle.