['Adresse']

(2)

Unnser früntlichen grutz und gutt willigen

dienst sampt unserm vermögen zu vor

gestrenger edler und nott vester her. Alss

dan disser uff bruch bewilget und wier leid

beschriben zum houptlütten ist der weibell

Müllybach und Clauss Schröter zu uns

kommen uff der strass sich für kriegslütt

gägen uns anbotten. Alss wier si ouch für

erliche kriegslütt hand angsächen hand

wier mitt inen bekhenen so vär ier alss

irne heren und obren theni verbott har

wider ussgan lassen dass si unss etliche

knächtt soltten annämen so ver aber

ier als iere heren und oberen ein verbott

harum ussgan leissend söltten si dar wider

nitt handlen. Alss wier nun vernemen

dass ier unser günstiger her den ein ver

bott hand lan ussgan hand wier angentz

den handell abküntt und das si witer

thein knächt söllen annäm ouch

denen so der üweren angweren (?) woran

abkünden uff welches si zuo uns komen

und uns berichtt wie ier unser gethrüw

lieb eidgnossen als irre heren und obern

sy beid in die statt für rachtt sich zu

ver anthwurtten beschickt. Da sich zu

(3)

ver anthwurtten derhalben gnädiger herr u

schuldhess wellen wier üch berichtten dass

sy unss den rodell zu bracht und haben

erhliche uff drissgi (?) angnomen aber wenig

der uwren sonders frome dienst knächtt

old so us andren ortten dem krieg nach

züchen. Derhalben langtt unser gantz

hoch flissig thrungenlich und ernstlich bitt

an üch ire wellend den ggutten erren

lütten helffen scheiden und das best thun

dass si von des thwägen unser nitt müssen

engeltten diewill doch by inen verdein (?)

thein verbott beschächen ouch si nun fremd

und nitt der uweren angnomen hand

wellend ine inen uff diss mall rächt

im namen gots guten kluh holffen

scheiden und inen under üwer houptlütt

sampt den angwenen (?) knächten verholgen

dan wier si gern ledig sampt den angnommen

wellen lassen. Und wellend rächtt

von unser thwägen inen dass best thun das

begerend wier um üch in aller underthenig

kheitt gantz inen klich um üch zuo ver

dienen und thunde üch hiemitt dein

barmhertzigen gott bevelchende datum

donstag vor anthonii im 1573 iar

üwer streng er??? wisheit

dienst williger

houptman Petter zum

Wissenbach

und houptman Melcker

von Flü