1573
Sambstags vor quasimodo
Jacob Widmer von Horgen am Zürichsee
ist inn gfencknuss komen von wegen
das er etlich kriegslütt söllt uffgwicklet
haben und unsere knecht gedinget söllte
haben.
Zeigt an alls er gan Underwalden komen
da habe er wöllen dingen, und
da er zuo Amman Lussy komen habe
er im bescheid gebenn er sölle morn
am morgen wider zu im komen
wölle er widerumb bescheid geben,
das habe er than, morgen zuo im gangen
in allein gefunden, habe er zuo im
gedinget, und hab im ii kronen
gehöischen uff ein harnists das
habe er im zuo gesagt, und hatt
Jacob Widmer den amman Lussy
gebeten er sölle in wider heimlassen
er welle, ein bessere kleidung reychen
das habe er ime erlaupt, und hieneben
empfolen, das er wo er guott gsellen
finde uss zürich gebiet finde, die
sölle er im zu wysen, ist gar nit gichtig
das er keiner gedinget habe, dann
er sin buoben ouch von Zürich der im
den harnists nahin treity.
Ist uff ein gwon urfeh ussglassen,
sol sin atzig zalen, uff sampstags vor
quasimodo