(3)

...

Zudem der unsseren knechten halb,

nach dem wir ein grosse reiss than, und gn Gotts wenig kranck-

er hantt, wie obghort, gar wol stat, dan am anzug und St.

Jehan de Lonen wir durchs ein verderpt lant by Sanserne

zogen, domitt allen wy volle gsin und zwar thur, wir sintt

donach in landt Orleans, Thurruns khomen domalen wir fleisch

und munition brott umb ein ziemlich gelt funden, ietz im

leger hantt wir brott und den munition gnug, i umb iii kort,

fleisch das best unssere metzger i lib umb v kort, den

win so us unsser anfahld in der munition ussgeben i pintten

umb vi kort, das mit zechnen, was aber usserthalb der

munition ist, gilt noch einist meer, dan han ich üch minen

g eerenden herren nit verhalten wellen, dan ich dencken mag,

vil andre reden by u.n.g.h uskhomen, doch ist dem also

wie obgmelt, wir verhoffen in kurtzem so die frucht uff

dem etrich (?) inbracht, die sach bas gstalt, und allenthalbs

wolfeille bringen werde, derhalben pitten ich u.m.g.h

so soch uch anderst fürkumpt, nit glauben geben,...