Gestrengen, edlen...
...und inn Proventzen zoggen und gan Hova (?) komen
alda den 10 tag gmusterett, bezaltt, und witterfür zogen durch
die Preventz uff el und Marsillia mit glücklicher wolfartt
und on verlust der knechtten, habendtt sich bis inn die x
stett ergebenn, alleinn ettliche inn diser landtschafft die handt
kün Mt nitt lassen wellen, dan si vermeint unmüglich sin
das gros gschütz dar zuo verttigen welche beidt stett man nempt
die erst Gryaus, die ander Byes die so in mechttigenn
(2)
guottem landtt ligendtt, und fruchtbari thäller alls inn Proventzen
ligendt bim pemundischen wildinen und hochen schnepirgenn
da dan sy nitt on ursach vermeint das gros gschütz wer
unmüglich dahin zu bringen, dan wo unsere hilff nit so mechttig
mit unseren knechtten gsin, das gschütz mir handt über die berg
ziechen und wider hinab zuo hann, und durch die eynödi
und wasser von handtt zuo züchen, wer es den Rossen
wie fill, nitt müglich zuo ziechen gsin, welches wier dan unge-
spartt, von kün mt dienst wegen, und zuo bewarung des
altten waren krystenlichen gloubens und zuo bewarung unser eren
und altten Reputatzionn und mit guotem willen gethan, un nit allein
die knecht, sonder auch mit hilff anlegung der houptlütten und
amptlütten, welche von Gotts gnaden, gmeinlich woll mit ein
andern eins, kein Gotts lesterung, und wenig stellens, und
kein unghorsami under uns ist, Gott der allmechtig welle sin
seggenn darüber gebenn das es lang allso behare, diewill und
die hugenotten gsechen den grossen yffer so her marischall vonn
Ryltz verhabenns si inn ettliche ortt zu triben...
(3)
...darnach günstig gnedig lieb erendt herren
und vätter unser knechtten halb statt es gantz woll
kein krankheitt under uns, sonders nit, dan alli unsere
amptzlütt und landtlütt frisch und gsundtt der almechtig
gnedig güettig Gott durch fürbitt siner erenden muotter
Marya und allem himlichen heer welle uns glück und
gnadt verlichen das es lang also behar, wir
habentt alle ding wolffeill, und bringtt man uns alle dine
gnuog ins legger umb ein zimlich geltt das wir uns
nitt zuo erklaggen habentt. Im übrigen günstigen
lieben herren und vetter langett unser ernstlich
pitt an üch, ier wellendt samptt den übrigen ortten
die ire houptlütt inn unser regiment die dan ouch
irenn herren und oberen schribentt, dem herenn
maryschall von Ryltz, der kün Mt lüttinampt
inn disser landtschafft, ouch herren von Wysseri
kün Mt ordens Rytter und unser füerer,
früntlichen zu schriben, die dan gros leibhaber unser
natzyonn, unnd innen hechlichen dancken, des früntlichen
wollhalttens und frundtschaftt und allen adell unns
erzeigt, welches ein ursach merer früntschafftt
unser nation sin wirtt, wier hoffendtt ouch günstig
(4)
...