Min underthenig guotwillig dienst, unnd früntlichen

gruoss, mytt erbettung aller gebürenden ern liebs

unnd guotts bevor, grossmechtig gestreng edell eeren

vest from fürsichtig ersam wysse, besonders gnädig

eerende liebe herren, üwer gnaden schryben an die

?? ?? unnd an mich datto dess 26 tags verschienens

höwmonents, hab ich durch den statt botten von

fryburg Zeyger dyss uff sannt lorentzen abendt

empfangen, uff wellichen tag dye künigkliche mayestatt

nytt anfrynsch war iedoch uff der nacht gar spatt

wiederum khomen wo ich sampt dem botten unnd

brieffen ufff sin ?? gewarttedt unnd angezeygt

wie ü g gemeltten botten sampt ein schryben an sin

?? ob dem gehalttern tag von Lucern abgeverttigett

habe unnd ess sye um ein wychtigen ernstlichen handell

zuthuon, darbie von nötten glich angentz widerum,

den botten mitt guotter anttwurtt ab zuoferttigen, unnd

alls ich im noch wyttlöyffiger vom handell unnd

ü g schryben an mich gethan erzellen wolltt, gab er

mir gar fründtlich zuo anttwurtt, ich sollte siner ??

brieff behalltten unnd mytt mynem fürtrag still stan

die wyll ess von um ein wychtige unnd antreffenliche

sach zechundth were, byss morndrigs, so wolltte

er allein hierum sin fryntlichen rhatt inn sin kamer

glich nach dem morgen essen besanden unnd mich

allda früntlich verhören, unnd mir ouch u p schryben

abnemen unnd grad in meiner gegenwärttigkheytt erbrechen

unnd überlassen lassen, ouch grad beratschlagen was

(2)

darüber zu anttwurtten sye welliches zwas allso

beschechen mitt grossem ernst unnd nach dem ich min

fürtrag gechen nach form unnd inhallt ü g schryben

an mich unnd ouch nach dem ü g schryben an ir

?? überlässen ist worden, hatt mir ir ?? mytt

grossen truren gar demuttigklich unnd früntlich zu

anttwurtt geben er habe dem herren von Mandelott

gubernattoren zuo Leyon geschryben unnd bevolchen mytt

den eidtgnösischen öbersten unnd houptlütten zu

tractirren unnd sy so wytt inen müglich sye zuo

fryden stellen, unnd derhalben wölle ouch sin ??

wytter darzuo thuon, alls zuo einer sach die im eben

hoch und vyll angelegen sye unnd nitt minder ouch

sye der schaden so den unnseren beschechen ir ??

ein grossens hertzen leydt, dessglichen hab ich die

alltte künigin unnd alle fryntliche rhätt mer bekum,

berott kum gesechen, alls do zemall, nun schicken

ich ü g siner ?? brieff unnd anttwurtt, uffs

fürderlichost so müglich hatt mögen sin widerum

by dem botten zuo, sampt diseren meinen kleynfügen

schryben vormytt ich ü g woll versicheren mag,

das ich in trüwen by allen rhäten alls ouch by

?? ?? den bevelch so mir ü g angehenckt in

trüwen unnd mitt höchstem ernst ussgerychtt, alls

der so sölliches zuthuon nitt allein schuldig unnd

verpflicht, sonnders ouch getrüw unnd gewygt ist

zyttungen dass so lang verhoffenden in frylichen

nodtwendigen frydens halben, söllen uff nechstkünff-

(3)

tigen montag den 8 dyss monants die hügenotyschen

gesantten von herren mareschalken von Danwille unnd

annderschwo har, alhie by ?? ?? mytt guotter antwurtt

erschynen, sindt ouch ettliche bottschafften von Roschellen

unnd sonsten hie die aber nütt usslassen was ir

bevelch sye, warttenndt irer übrigen gsellen, gott

durch sin gnad unnd barbhertzigkeytt, wölle nur

dallane sysser armen betrübtten khron zuo trost und

hillff komen unnd gnadrichlichen verhancken unnd zuo

lassen, das durch die gnad dess heilligen geists

gefridett werde, wordurch ein gemeine eydtgnoschafft

ouch dester bess in frydsamen hochen unnd glückhaff-

tigen stand belyben mag, dan sölltte nütt gefridett

werden besorg ich fürwar dyser vergyfftig rouch

alles übells wurde zuo luft ouch in unnser sälliges

lieb vatter landt komen besonders so man vyllen

glatten betriegklichen faltschen zungen unnd praticken

glauben unnd statt geben wolltte, so wurden wir

lichtlich selbs in die waphen unnd kriegsrüstung

ouch in uneynykeytten gegen ein anderen komen ia

dadurch uss unnserem hochen verümptten stannd

ouch von allen hübschen grossen fryheytten in die

üserlichosten, dienstbarkeytt komen, darvor unns gott

der herr trüwlich bewaren wöll, diewyll aber

ein gemeine eidtgnoschafft in der vorcht gottes

fridlich läbtt unnd das schwertt der gerechtigkeytt

fürtt so wirtt u g nütt allein ein ursach sin üwers

(4)

eignen glücks unnd fryds, sonders ouch ein grosse

starcke unnd trost uwerer fründen unnd üweren

vyenden einen grossen schrecken alls ü g wie die

hoch verstendigen besser dan ich kleynfüeger erkhennen

khan unnd aber fürwar ich schryb diss nitt one ursach

sonders guotter eidtgnosischer woll meynung dan

zwar ich vyll gsich unnd ghören unnd gar übell

besorg so man nütt gar fürsichtigklich unnd gutts

sonstigklich handlett unnd die oren vor faltschen

zungen verstopfett, ess werde zuo letst nütt guotts

in unnserem vatter land geben, im übrigen gnädig

klag von inen komen müesse nach vom künig ouch

wyls gott, der künig sampt sinen rhätten haben

mir einen rytt heym erlaupt weliches mir von

nötten ist min arms truriges hussvölklin unnd

eerliche fründtschafft ein mall trostlich heym zuo

besuochen, unnd sy irens leyds zuo klagen ich

wartten nur houptman Redingen mynens

statthaltters ankunfft darzwüschen wirden ich

(5)

selbst gsechen wie die sachen abgehandlett werden mytt

den vermeyntten fryden daselbig unnd annders

wass sich wytters zuo tragtt wyll ich dan ü g

es sye schryfftlich oder muntlich berichten unnd wyll

ü g zuo gelegner zytt underthenigklich heym suochen

mytt gnaden gottes den ich pitt wölle ü g

in glückselliger frydsamer guotter regierung

erhalltten und ouch mich in u g guotten

vätterlichen gunste, dattum zuo Parys den

12 tag austmonent 1575 uff den abend

gnädig ehrend lieb herren darmitt dr bott dester sicherer unnd

one mynderen argwon sin ryss volbringen khöne so hab

ich im ein passportten vom künig geben lassen, auch ime

für ein verzerung x kronen und hievor hab ich dem

über ritter von sollothurn xx kronen von u g wegen

ouch verschaffen.

üwer gnaden undertheniger getrü-

wer diener alle zytt

Tugginer rytter