Zwüschen J Albrecht Sägisser 1,

so danne meister Hans ... dem

bildschnetzer von S. Urban

in namen meister Martin Ingers dess

schryners seligen erben 2.

Ist uff verhör der kundtschafftt, und alles handels erkenntt,

die wyl sich an kundschafft luter befindt das Martin Ingener selig

nitt allein in Frankrych in siner krankheitt, sonder ouch harnach

allhie gsunds lybs, J Albrechts dise 33 kronen so er ime schuldig

gwesen, gschenckt unnd verordnet und geredt er habe das gellt

by J Albrechten der ime so vil guts than gwunnen und uberkomen, so wölle ers ouch niemant

bas dann ime gonnen, so sölle dise schencke by gutten krefften blyben

und die 33 kronen ouch die l lib buss ime J Albrechten so er mgh

für den schryner bezalltt sampt sinem erlittnen kosten widerumb uss

dess schryners gutt bezalltt werden, doch so veer dess schryners erben oder

anderin iars frist kämen und vemeinten besser recht hier zu zehaben dann J Albrech...

denen sol ir recht vorbehallten sin.