Monttags vor Leodegarii 76

Uff hütt ist in MGH gefengknuss khomen Jacob Schwendiman

der Wirt zum Ochsen, umb das er zu Underwalden ob dem

walld ins landschrybers huss geredt, welcher rede

das die saphooische pündtniss vor räth hundertten

und burgern angenomen, der habe wol so gwüsst

gemürtt, dann söliche brieff so der herr ambassador

habe sigent hinder der studen uff gericht und die

sachen niemandt triben, dann iro 3 oder vier

und sige nun luppenwerck, und habent nun die

burger darzu genommen die inen gefallen, und die

usgesesnen burger sigent nitt darzu

khomen.

Ist gar nitt gichtig, das er sölliche wort geredt

sonder man sölle den schullths von Türcken (?) fragen

de sig by allen sachen gsin, habe ouch söllich reden

von niemand gehörtt. Dann so er etwar angebe thäte

er selbige ungüttlich, sonder beharret er sige dessen

unschuldig.

Letstlich zeigt er by christen stattknecht an er sige vol

wyns gsin, so er sölliche reden than sige es ime gar nit

zuwüssen, bittet umb gnad.