Montag nach s. josten tag.

Uff hütt ist in miner g herren gfencknus

komen, Heinrich Meyerhans zu Rottenburg,

umb dz er verlümbdett er habe den stock

[gestrichen: diewyl er der schlüssel dar zuo khan hatt]

in unser frowen kappel uff dz wäsemli uff than

die wyl sin bruder den schlüssel darzuo

haben und ouch darumb dz er die selbige

nachtt in sines bruders hus gelegen.

Sagtt es geschähe ime ungüttlich dann

er habe lange iar hie in der statt bym

Niklaus Fläckenstein bim i Petter Feren

und andere meer er habe sin lebtag nie

keinem nitt was entfrömbdett. Darab sy sich

klagen köndtind, sige ime ouch nie im

sin komen, darzuo sige er dieselbige nacht

durchus by sines bruders knechtt glägen.

Zeigtt auch an, er habe gellt khan das

ime die houptlütt noch schuldig

gsin sigint alls namlich 45 kronen, die sy

ime geben, sind ime noch by 48 kronen

schuldig alls sy dann mitt ein andern

abgerechnett, und daruff habe er sich enthallten

unnd zeertt.

Er zeigtt an dz käppeli sigett morndrigsen

morgen offen gstanden, darumb habe sin bruder

gfrangtt ob mans am (?) abend beschlossen heige

und hatt all sin volck ia gseitt, dessglichen sige

i schloss darvon verloren gsin, ist witters nitt

gichtig.

Bittet umb gnad