Furdernus umb beittag schuld od gullt frc (?) 1576

Unseren fründtlichen gruss..

...unser liebe rathsfründ

Hans Kryenbüel und Caspar Haas beid hauptlüt sind vor

uns erschinen, und fürbringende, nach dem sy verschines

iars ettwas summa gellts zu abfertigung irer armen

soldneren von üch uff verzinsung uffgenomen, wöllichs sy

uff verschins zinstag widerumb ablösen söllen. Wie dann

ir sy dessen angefordert haben. Begägne inen dermassen ver-

vermöglicheit das inen ieztiger zytt dasselbig zethund keins

wegs möglich, habend aber an ettlichen orten in irem

namen umb gellt ze werben ordnung geben, in hoffnung in

kurtzem so vil ze erlangen das sy üch gebürende ussricht-

ung thun mögen, derhalben uns an üch umb fürderung gebetten

güttlichs stillsant ze erlangen, mitt dem erbietten und be-

thümen, von Gottes gnaden mitt silbergeschier, gold und

kleinott dannacht so vil gefast, das im faal der not (da

Got vor syge) sy in yl so vil gellt zemachen, und üch zu vernügen

unmöglich sige. Dessen nun wier inen alls billich

nitt vorsin wöllen. Und langt allso an üch unser

fründtlich gesinnen ir wöllen gemellten unsern rathsfründen

uff söllich ir begären, und erbar anerbietten. (Daran

ir unsers bedunckens) ein mal wol komen mögent, gütt-

lichen zu willen werden, daran würdt uns sonder

gfallen bewisen gegen üch zu erkennen und zu beschulden

haben. Datum...