Zwüschen J Ludwig Sägisser 1,

so danne Benedikt Schuonung, von

Remund 2.

Ist uff verhöre der kundtschafftt und alles handels erkennt

diewyl sich an kundtschafft gnuogsam befunden, das der

Benedikt den Sägisser ein fulen lumpenhauptman geschollten

und er habe ime und andern knechten das iren gestolen.

So sölle er darstan und an eidsstatt reden das er ime mitt söllichen

eerverletzlichen worden, gwallt, zkurtz und un unrecht than

habe, wüsse ouch nützitt von ime dann ein ein eerlichen

hauptman, derhalben ime synen erlittnen kosten abtragen,

und mitt dem eyd, uss MGH gericht und gebietten

verwysen werden.