Wir der meyer der lieb ministral und rat zu Nüwenburg

tund kunt mengklichen mit diser gschrifft als uff hüt dat diselben

den ersam wolbescheiden Peter Humbrecht von Wallis von uns

erschinen ist mit beger zu verhören ettlich kuntschafft der im

not wäre gegen ettlichen knechten dero houptman er gewesen

ware die im anlangten um ire söld und stalt der für uns

ale gezugen der darumb wisst und reden solt den bescheiden

Martin Körman goldschmid us Basel ganant der daruff von

uns in eyd genommen ist und hatt geredt uff dem ewangelien

er wäre gegen wirtig in Alexandern da der genant Peter

Humbrecht ein bezalung von den tresoriern in ducaten hett

empfangen die er den knechten also antwurten wolt dieselben

aber die knecht nit in dem wert als ers empfangen hat und

inen geben wolt von im nemen wolten da gienge er mit

der bezalung widerum zu den tresoriern umb erfollung der

sold wie denn drselb (?) bestumpt wäre möcht aber im nit gelangen

und kame also mit dem gelt widerum zuon knechten und

wölte inen abermals die bezalung tun wie vor dero wolten

sy nit um im nemen denn allen einer genant Kouffman von

Brig in Wallis derselb widerte sich der bezalung nit von näme

die an ducaten in dem wert wie sy der gemelt Peter Humbrecht

empfangen hat und geben wolt und mit dem übrigen müsste

er wider sine die tresorier in demselben käme ein gschrey das

sy all uff Alexandrien von ein ander zertrort wurden darum

er nit wisse wyter deshalb ze reden sälicher gezugniss

der vorgenant Peter Humbrecht dise geschrifft mit unserm

sigel verwart begert hat der wie im durch siner bogen willen

also geben doch unns und den unsern umergriffen ussem

andern tag abrellen des iars tusentfünfhundert und eins