Zwüschendt Martin Wallder von Mellingen 1,

so dan houptman Niclaus Pfyffer

und Jost Krepsinger des grossen

raaths zuo Lucern 2.

Ist uff verrhöre der kundtschafft clag und anttwurtt und

nach allem handell erkenndt, das beide

hauptlüth was sy innamen sin des Marttin Wallders

innzogen von der knächten wägen gichtig sindt das sonndt

sy ime ussrichten und zallen aber die 4 kronen so sy

ime vorhin daruff geben und gewertt abzogen

[xxxviii gl] werden himitt von einandren sin, und ieder theill

den kosten ann sin selbs haben. Dan sich an kundschafft

funden das die knächst fürgeben alls man inen die ansprach

an iren besolldungen abzüchen wöllen, sig sigendt ime

nützit schulldig, von desselbig ansprächens wägen

do sy nützit inngnomen die kundschaft es ouch nitt

zügt sonndt beidt hauptlüth von ime bekenndt sin.