In der sach und tädig so sich vermals erhept hat zwüschend den ersamen und frommen

Marti Exen Peter Buber und Peter Keyser (all uss Wallis burtig) ann ein ansprechen

und dem Peter Humbrecht ouch burtig uss Walles werer (?) am andern uff dz

das die ersamen Marti Exen Peter Buger und Peter Keyser zuo handen und im namen

iren selbs und vil andrer guotten knechten vormals ervordret hand von dem ob-

geschribenen Peter Humbrecht einss manotz solt den er fur sy all in genommen hat

zuo dien zytten in desem vordren verluffnen iar zuo Allexanden da der selb Peter Humbrecht

der selben knechten houptman gewesen ist in des hertzogen von meyland dienst

und welchen solt und ansprach die selben gesellen und ansprechen mit dem obgenan

houptman Peter Humbrecht ein rechtlichen tag yetz gehept hand vor den grossmech-

tigen frommen und wysen hern von Lucern da selbs in der statt in welchem abscheid

die dru gesellen obgeschriben zuo handen ir selbs und zuo hand wie obstat zu gelauffen

sind wie den dz den abscheid brieff wyso begend und wider den ogenan Peter

Humbrecht iren houptman zuo wysen und an den tag zu kriegs oder wass si sich

gegend inn im rechten uff den nöchsten tag behellffen wellen allss denen dz iren ab-

scheyd brieff wyst uch uff welche sach und artikel sy geeydet hand und verhören

lan hand durch den ersamen Anthon Volck offenen schriber bestättiget durch key-

serlichen gwallt die fromen und ersamen man die den hie under verschriben stand die

da by iren eyden liblichen eyd dy dem einen da geben sind worden geschworen hand zuo

got und zuo den helgen ouch dz sy das nit lassen solten und golt noch und selben

durch lieb noch durch vyentschafft noch durch kein sach so das bloss recht hindern

möcht als inen got hulff und all helgen [...?]

Uff das so hat zu dem ersten gezuget by sinem liblichen eyd der im geben ist (?) worden der

ersam wyss und fromm amman Gili Byderboss wonhafft zu Rytingen in Walles das war

syg das er bestelter houptman sy gesin des hertzogen von Meyland in dem vordren verluffnen

iar und zytt zu Allexanden ein krieg duo heig es sich gefügt dz uff ein zytt in ein nacht

wol zwo stund vor tag das er mit sinen knechten in der selben stat umher gangen syg

zuo luogen ob etzwass einess in hab war vernam er und wardt imme das den galeatz emweg

wass geslochen vom zug und von einen und die tutschen und ander knecht dahinden in

der not gesassen hat und die franzosen hin zu zu der statt Allexanden ruckten und das ein

lantzknecht zu inen kam und sprach ir tutschen sind all weaten (?) zu erschracken sy und ander

ouch und berufften die houptlut und knecht angends einander zu samend den ess inen in

libs nöten stund du kamend all houptlut und knecht zu samend den allein houptman Peter

Humbrecht ouch Houptman des obgemelten hertzogen der von synen knechten venrich venli

lutind und weyblen gewichen was in iren libe nöten da selbs aber am radt venrich

lutind weybel und knecht desselben houptman Humbrechtz warend ouch spricht dissen

zug das er von dem selben houptman Humbrecht gehört hab dz er sinen knechten sold empfangen

hab du des vergangnen manetz nit wytt inn petz zu wyssen bigen etc.

Item dem nach die fromen und ersamen knecht mit namen Peter Uff der Egg Lutiner

diss obgenan houptman Aman Gili Bidbosten Willy Elm gestiller Hans Biderbost Hans Zschanen

all drü weybel des selben houptman Aman Gilss und auch Peter Zschanen all uss der graff-

schafft in Goms zuo Wallis all samend und yettlicher in sunders zuget und hellend

(3)

dem obeschribnen zugen Aman Gili von wort zuo wort einhellicklich in gelicher gestalt un

mass wie er gezüget und gelutert hat den sofflig me spricht der obgenant Peter

Uff der Egg das er und ander knecht me den denselben houptman Humbrecht in der stat zu

Alexandrien gesechen hand und inen bekumen syg duo er und ander lugten was das geschrey

wer uff der selben stund wie obgeschriben stad, sust wytter syg inen nit me zuo wyssen by

iren liblichen eyden, so inen geben ist (???) welche obgeschribne kuntschafft indie

obgenant ansprecher und gesellen erbetten hand den fursichtigen Hansen Glausen

venrich von Ernen und stathalter des wysen Mantz Georgien wyssen meyer

des gantzen zechenden von Ernen oder von densch uff das er sin eygen ingesigel

getruckt hat hie unden uff disen brieff doch im und den synen unschedlich.

Geben und geschechen zu Pytzingen in Wallis am zechenden tag diss brach-

manetz im iar zalt der geburt ?? unsers hern tusen tuffhundert und ein iar.

[noch eine Aussage]