Rät und hundert

[Fürträge und Diskussionen, man bedaure den Angriff auf

die Freigrafschaft Burgund, weil sie nicht sicher seie,...]

... So wöllen sy in söllicher nott unnd zufal, für diss

mal, uss guottem nachpürlichem fründtlichen willen ouch in ansähen

der meertheil orten hier über beschächner bewilligung und der guotten

fründ und nachpurschafft deren die uss berürter graffschafft

Burgund loblicher Eydtgnossschafft und den iren ieder zytt har in durch

(2)

durch zügen und andern gelegenheitten in allen thüwen und so

guottwillig beflissen und erzeigt, doch uss keiner schuldiger

pflicht, sonder allein früntlicher meinung von gunst liebe

auch allter gutter fründ und nachpurschafft wegen und

vorab hochermellter kh catholischer mt und gesagter

fry Graffschafft Burgund (die uns und den übrigen

orten gemeiner loblicher Eydtgnossschafft mitt erbeinung

von allter har zuo gethan und verwandt) zuo dienst eeren

und gfallen ouch der fry graffschafft Burgund zu schutz

schirm und rettung söllichen begerten uffbruch ze

thuond mitt nachvolgenden contitionen bewilliget und zu gelassen.

Erstlich das söllich uffbruch in hochermellter k cat (?) mt

und gedachter graffschafft kosten beschähe, das

zu einem uffbruch dess ersten minder nit dann 6000 knecht

uffgebrochen und die selbigen niendert hin anderst dann inn

gemellte graffschafft ouch zuo der selbigen schirm und erhalltung

gfürt und gebruocht werdent wol mögen sy die Burgund

so sy wöllent dise 6000 (wo sy die 8000 nitt eins mals

sommenhafft nement) harnach bis uff ide zal der 8000

sterckern und meeren, und sy weniger nitt dan 3 monatt

lang in irem dienst behallten oder aber wo sy die minder

behielltend nütt desto minder die 3 monat solld vollkomen be-

zalen. In das zuo vorderst gebürende underredung und

verglychung mitt den hauptlütten beschehe, wie man, sy der

haupt und kriegslütt mitt bestallungen und anderm hallten

wat (?) man inen für ander kriegs volcks meer zuo ross und fuoss

ouch für geschütz und feldherren zuo geben welle.

In das disen eydtgnossischen knechten keine andere dann

eydtgnossische fendlin und zeichen nach irem bruch geben

dess glychen ouch sy an kein sturm gebrucht und mitt dem

schlacht sold mustern und bezallung von monat zuo monat

ouch von huss bis wider zu huss nach eydtgnossischem bruch

und wie andre fürsten biss har gegen inen gethan gehallten

und besoldet werdent.

Und innsonderheitt versehen sich MGH das sy für ir ortt

und statt Lucern in söllichem faal mit houptmanschafften

und fendlinen nitt weniger nach anderst geacht und ge-

hallten werden söllent dann wie sy biss har und von

andern fürsten so uffbruch by inen gethan gehallten worden

sind sind, sonst wo das nitt wurden sy verursacht, sich

mitt höchsten gwallt widerumb harüber zuo beratschlagen

(3)

und das ouch hiemitt (obglych wol daran nit gezwyfflet

würdt sonder allein zuo meerer und vollkomenlicher satis-

faction der sachen) von siner mt schyn und credentz gebracht

werde das söllicher uffbruch uss ir mt usstruckenlichem wilen

und bevelch beschehe.

Letstlich das der herr Pompeius nach sinem guttwilligen er-

bietten und wie dann mitt ime veranlassett ist by irer mt

umb den fryen feilen kouff und zuo lassen dess gethreids

unsern underthanen meer gebirgs zuo irer nottwendigkeitt

ouch umb fryen understerten pass und transitt, es sye ab dem

hertzogthumb Meyland oder andern fürsten thumben, da man

inen söllichs zuo liesse, ernstlich und flyssig anhallten wölle

damitt dasselbig erlangt und die unsern nachpürlich

an selbigen ortt dann ettwan gschehen ghallten werden,

wie MGH sich versehen der herr werde zu vermydung

verners unwillens by gemeinen ortten darum nitt manglen.

[Bestätigung am nächsten Tag]