Uff sanct niclausen tag anno 1579 hand

volgend personen bezüget uff andingen h

houptman Cloos, und gepott herren rhats-

richters Niclaus Haasen antreffen Jacob

Eggli wirtt zum Rössli alhie.

J Lienhart Schaller dess rhats zuo Bern bezügt

das der wirt zum Rössli, den Heinrich Cloosen

aller erstlich vexiert und ime fürzogen wie er

pension vom hertzog von Savoy habe, alda ime Heinrich

geantwort heige er ettwas vom herztogen

so welle ers umb ime verdienen, und wytter

zum wirt geredt, er hette es ouch bedörffen

das der hertzog ime pension geben hette

so were ime die wirtschafft nit beschlossen

worden, uff das der wirt ime Heinrich

geantwort, es heige ime niemant die wirt-

schafft beschlossen, dann allein sin vetter

Niclaus Cloos, das vergellte ime der

tüffel, wytter sige ime nit zuo wüssen.

Hans Weissing burger zuo Lucern bezügt glicher

gstallt wie J Lienhart Schaller von

Bern.