Zwüschen innamen houpttman

Jacob Wirtz Underwallden eins so

dan Ruodollfff Mören des grossen

ratths anders.

Ist uff verhört clag und antthwurtt und nach allem

handell erkendt, diewill Ruodollff Mör mitt

houpttman Jacob Wirtz des einen worden wan hauptman

Wirtz sin ansprach verkauffe so er am küng hab,

sölle er Wirtz inne Mören ussrichten und zallen, der

halben diewill haupttman Wirtzen anwällt ime

uff hütt ime 300 gl haupttguott zallen und die pfandt

hinder ime lassen wöllen so ime versetzt bis uff

abzallung des zins und kostens, derhalben

wölle ein gricht nochmalen das beschehen arrest

ietzmalen noch nitt uffglöst haben, sonder Ruodollff

Mören heimgsetzt han ob er die 300 gl empfachen

und dz arrest ufflösen wölle oder nitt sonst sölle es

bim verbot bliben biss Ruodollff Mör umb hauptguott

zins und kosten zallt werde.