Uff andingen Heinrichen und Pettern an

der Matts gebrüdere von Zug und ge-

bott h rathsrichters hauptman Casparen

Ratzenhoffers handt bezügt vorlgende per-

sonen gegen und wider Hansen Gerhart

ouch von Zug uff zinstag vor S.

Ulrichs tag anno 1584 wie volgt.

Herr Ulrich Wyniger kilchherr zuo Meggen

bezügt alls er züg und andre meer unge-

far vor 3 wochen in vogt Stallders

hus zu Meggen zum trunck gsin, im selbiten

sye Martin Uttinger ouch von Meggen

mitt Hansen Gerhartt von Bar so ein

gwardi knecht sye, ouch in selbigs hus khomen

und daselbst truncken, habe Martin Uttinger

dem selbigen gwardiknecht das lob geben

er sye der sterkest Eydgnoss inn der Eydgnoss-

schafft mitt steinstossen, glychthabe Jacob Gösse

geredt, botz ist das der poss, der Petter an der

Matts son ein finger abgehowen, daruff habe

Uttinger geredt, ee lug, er hatt di finger all

nach durff.

(2)

Im selbigen haben sy geschwigen. Glych sye der

gwardiknecht ouch zum tisch gesessen,

und geredt, ich bin ein eerlicher man und

hab min guotte passportten. Ich hab aber

zuo Leion vernomen, Petter an der Mats son

habe sin basen beschissen und sy by siner

schwöster gelegen, und syn vatter sy ein

eern man und habe nitt höw gestolen

wie Heinrich an der Matt.

Jacob Weissing burger zuo Lucern be-

zügt, das es anfans gangen sye wie ob-

stat, und als Gösse geredt ist das der

poss so einem etlich finger abgehowen sol haben,

sye der gwardiknecht glych darnach uff-

geiuckt, und geredt, ia es ist war

ich hab einem 3 finger abgehowen und

ein wunden inn kopff geben. Er ist

ein fuler hudler, dann ich habe vernomen

er habe syner schwöster ein kind gemacht.

Im selbigen sye er züg uffgestanden und hin-

weg gangen.

(3)

Jacob Gössi ouch von Meggen,

bezügt, das er der sachen nitt vil acht geben, iedoch

habe er wolgehörtt, das der gwardiknecht

geredt habe, Heinrich an der Matt sye ein höw-

dieb.

Jost Schärer bezügt einmündig wie

Jacob Gössy.

Marttin Uttinger ouch von Meggen,

bezügt, ouch das er gehörtt das die sachen

ergangen, wie der kilchherr anzeigt, und

das er der gwardiknecht letstlich geredt

habe, Petter an der Mats son sy by siner

schwöster gelegen, und sye Heinrich an

der Matt ein höw dieb, aber von der

basen habe er nützit gehört reden.

Caspar Stallder bezügt ouch allso wie Martin

Uttinger.

Andreas Sigrist ouch von Meggen bezügt

ouch allso.

Zalltt.