Dem Hertzog von Gwysen sindt die kriegevolck begünstiget doch mit der condi-

tion sover die übrig vier ort ouch mit bewillgung inen die kriegslüt zu züchen

lasst wover dasselbig nit so wölle man inen nit bewilget noch verboten han

doch die unseren ouch nit witters dan bis uff die frontier züchen söllen

wie es dan den ubrigen und vordrigen kriegslüt ouch zuglassen. Zu dem andern

soll unser gsandter ouch abhallten das man unseren obersten und hauptlüten

mit allem ernst geschryben werde das sy nit witers dan bis uff die frontier

züchen söllen. Und ietz mit dem uffbruch nit yfyllen bis zu ankhunfft der

gsandten uff Franckrych und soll unser gsandter zu Lutzern den houptlüten behilff

lich sin umb ein gutte psallig und so dan söllches nit verfahhen (?) möchte

so hat man alls dane gwahlt.

Landtvogt Lussy ist bott ghan Lutzern verordnet.

Ist iederman in khrieg zezüchen zuglassen doch so hindersässen hinweg

züchen und sy khindt und wyber haben sönd inen nachgeschickt werden.