Edlen gestrengen ...
... wir haben by diser zu-
tragender gelägenheit, nit underlassen wöllen
üch durch disen hieby ligenden zädell zu berichten
und zu beklagen etlichen kriegslüten hallb,
dero nammen auch von wannen sy syen
inn gedachtem zädell vergriffen. Welliche
nit allein one alle ursach, alls wann sy noch bisshar
von uns nit eerlich umb iro besolldungen
us gericht noch bezallt, oder sy aber alls wann sy
mangell ann gellt durch die wochen gehapt hetten)
entloffen. sonder auch uns gweer etlich gällt
belangt derhalben an üch unsre gnedigen herren
oberen und vätern unser gantz underthenig
pitten und befären, wellen soliche
unütze lüt nach irem verdienen handhaben und
inen wie auch andern derglichen gsellen die
uns vertragen möchten wann sy anheimbsch nit
glauben geben, sondern uns desselbigen berichten
wellen wir üch alls unsern günstigen unnd
gnedigen herren, wie die sachen beschaffen
im grund berichten. Solliches beger wir umb
alls unsre gnedige herren, inn aller underthenig-
keyt iederzyt zu beschullden. Und sich hie mit
sampt uns inn schirm Gottes und Mariae
bevelchende datum Vallduro den xxi aprellen
A° 86
Uwer unser gnedigen h und
obern gantz underthenige
willige diener
Ieronymus von Hertenstein Ritter
Peter Pfyffer
beid houptlüt über i fendli eignossen
in k m dienst zu Frankrych
(2)
21 aprilis
Hernach vollget der ienigen
nammen so uns entloffen
etlich gällt andre gweer antragen
samlich und erstlich Joder am Reyn
von Emmen so im ersten monat entloffen
ud uff selbigenn empfangen ghapt kr 3 ss 3
Oswalld Räbknächt (?) von Hitzkilch
hat uff den i monat inn wellchem er
[am Rand: 1 spiess entragen] entloffen empfangen kn 3 ssos 51
Jost Strasser von Merenschwanden im ersten kn 1 sonenkn
[gestrichen: ]Andres Willd von Wollen fryen
ampt hat inn dem ersten monat dorin
er entloffen empfangen kn 4 dn 3
[am Rand: i spiess entragen] [Ende gestrichen]
[am Rand: ist i monat usbliben und wider khommen]
Anthoni Höttner von Triengen zu luter (?) fl 3
und us beliben
[am Rand: 1 spiess entragen] Hans Jacob Gyrthamer von Meyenbeg
hat uff den 3 monat empfangen kn 3 dn 2
Heinrich Veter von Zug ist inn dem 3
monet entloffen entragt uns inn 4 stübe 5 1/2
Jacob Wyliman von Sarminstorff ist inn
[am Rand: 1 spiess entragen] dem 3 mont entflohen hat uff den
4 mont empfangen dn i
Hans Bind von Emmen ist im dritten
mont entflohen hat inn selbigen gnon kn 3
Baschi Hilltbrannd von Rotenburg
ist den 18 aprellen entflohen unnd
uff den 5 monet empfangen kn i
Cunrad Zimmerman ein Müller von
S. Gallen hat im 4 mont 9 tag ge-
dient und daruff empfangen k 1 dn 1 ss 3
Jacob Traber von S. Gallen ist den
17 aprilis entloffen und inn 4 mont dn 9
Hans Lang von Mury ist entloffen
und uff den 4 monat empfangen kn 1 dn 1
Claus Boumgartner burger zu Lucern
ist den 9 aprilis entloffen hat uff den k 1 dn 2 solz 3 1/2
4 monet schon 6 dn 3 solz 1/2 empfangen
und sinen vetern Jacoben Boumgartner
3 d entragen. Auch Oswald Thamer
sin halbarten verkouffen wöllen, wie
Oswald sollichs vor menichen bezügehen.