Donstags nach pfingsten anno 1586 ist Claus Baumgarttner der dischmacher

von Lucern, inn m g h gefenngknus komen, umb und von wegen das er

den ietzigen houptlüten, inn Frannckrych ettlich gellt abgenomen, unnd nitt ver-

dientt, auch das er dem Michel Hugen, im mooss 5 franckryher dicken solltt

enntfrömbdett haben.

Und nach dem ime sollches der lenge nach fürgehalltten worden, zeigtt er an,

es sye nitt minder, er habe uff den 4. monatt, vier crützdickpfennig em-

pfangen, unnd daruff am ostermittwuchen heimzogen.

Dem Michel Hugen, habe er gar unnd gantz nüt genomen, das wölle er an syne

mittgsellen zügen, dann er syns eignen gelltts, mitt ime verthan habe, und hinder-

haben müsse.