1586

Sambstags vor Martini Anno 1586

ist Agatha Brunnerin pürtig von Eych

uss sanct Michellsampt in M G

herren gefangknuss khommen.

Zeigt ann nach vollendtem gwysischen zug

sye Jacob Wäber von Fahrwangen uss Bernbiet

ouch mit andern uss dem krieg doch kranck

zu ihren khommen, sich ab syner frauwen wie

sy inne so grob übersechen erklagt darumb er

auch nit widerumb zu ihren wolle daruff

sy gebeten sy soll ime by ihro in ihrem huss

syn unnd wandlen lassen, das sy nun gethan

unnd ime nit allein die zyt haar by ihro ge-

hallten sonder ouch ann dem ihrigen was

er mangelbar gsin anngesechen sin krankheit

gedienet das sy aber inne mutwilliger wys

überredt oder sonsten ihro annhengig gemacht

sye nit.

Ist hieby ouch nit abred wann das sy leider

mit imme zu schaffen gehept er habe ihr

aber darumb weder wenig noch vill mit

geben oder fürer zugebracht.

B M G H

umb gnad.