Wir schultheis unnd raat der statt Lucern, thund kunt allermengklichen mit dem brief

das uff hut sines dato vor unns erschinen ist, Cristen Römer von Sarnen eröffnet vor unns

wie das er kuntschaft der warheit gegen Jacoben Scherer von Underwallden ettlicher wortten

so er geredt söll haben, notturftig wäre, darumb er sich zügen wellt uff dry personen so ietz

in unnser statt, namlich Benedict Lamlinger von Biel, Hannsen Rot von Arow, und Hannsen

Stroman, von Sollorurn die dann von der sach wissten, und er villicht harnach nit mer an komen

und sy by lannd finden möcht, unns desshalb anrüffend, damit er nit verkürtzt, batt und begen

die gemelten personen darzuo zehallten und vermögen, unnd sy zuverhören, unnd also angsechen

billichett, och findung der warheit und rechtens, wir unnseren ratsrichter, der selb die ge-

dachten personen zuverhören verordnet, der hat sy nach bruch gwonheit und unnser statt recht

och nach dem sy eid liblich zuo Gott und den heilgen geschworen haben, uff Cristen Römers eroffnen

und andingen, ordenlich verhört, zuom ersten hat gsagt Benedict Lamlinger, es hab sich

begeben, als er zu unnser lieben frowen Monta Pulsana gangen sig im Jacob Scherer am thor

daselbs entgegen kon, hab er den selben Jacoben Scherer gefragt, wie wennd wir unns halten

daruff Jacob gseit, er hab ein guten dienst den well er bhallten, unnd was inn die pensioner

angiengend, und seiner (?) gepwunden (?) er wellt welcher inn von sinem dienst bringen, so welt

er das er ein kuo ghyt hette, nit wyter wiss er. Item Hanns Rot von Arow redt also

wie er komen sy zu Monta Pulsana zuo sinem hoptman Lamlingen, und inn und Jacoben Scherer

by einander finden, was sy baer angengklich mit ein andern geredt, wiss er nit, er hab aber

ghört, das Jacob Scherer geredt, er wellt wer inn umb disen dienst brächte, das sy kü kyt

hettend, do redte Jacob Scherrers willen einer, ee wir wend sy abmannen, daruf spräch er

Hanns Rot, zum selben weibel, dann so wärest du here, und wärind sy die knecht, nit wyter

wiss er, unnd so redt Hanns Stoman, wie es sich begeben, zuo Monta Pulsana das sin

hoptman Benedict Lamlinger, zuo Jacoben Scherer komen, hab sin hoptman, den Jacob Scherer

gefragt, wie inn die breif und abmanung, so von eidgnossen komen, gfallend, redte Jacob

Scherer er wöllte, die so inn umb den dienst brächting, und nampt sy die pensioner, das

sy all kü ghyt hettend, dieser sagen und kuntschaft begert, Cristen Römer eins briefs

den wir zu urkund mit unser statt serret (?) insigel besigelt, im geben haben

uff Sannt Peter und Paulus tag, nach cristi gepurtt gezallt funffzechen-

hundert zwein unnd zwe[zig iar]