Zwüschen Hans Fryen 1

so dann houptman Hansen von Mettenwyl 2.

Antreffend und von wegen syn dess Fryen usstenden

kriegs und amptsbsoldungen.

Ist erkenn diewyl h houptman von Mettenwyl andern kriegslüten

ouch den halben theil irer sölden bezallt, sölle er dem Fryen ouch allso

hallten und ime den halben theil der gmeinen bsoldung bezalen, was

dann die amptssold belangt, söllen die blyben anstan bis vom

könig volgt.

(2)

Zwüschent Hanns Fry

so dann h von Mettenwyl

Ist erkhent das m her schulltheiss mitt Hannsen Frygen schulden

unnd gellten solle reden und schaffen das sy ein verzug

haben wöllen, bis nach sanct Johanns tag, khomen sy daran wol

guott, wo nitt so soll der handell wider an min herren khomen.