Min frünttlich underthänig willig dienst, hoch ehrende edle gestrenge

wise herren und vätter sigend eüch von mir bevor .

Iüngst verschinen handt ir uff minem schriben verstanden (so by Cunrathen

dem übermitter überschickt ist worden) wie wir für unssern ersten monet

gmustret und zallt worden, item wie wir von Arne le dur domalen verreiset

sindt wir gan la Charite an der Loire liggende über den selben pass zogen,

den nechsten der gmellten Loire nach herab gan Auxserre und uff Gray

zu zogen, allda ist der künig uff den 16 tag octobris auch ankommen, der

vindt aber ist by Boni und Cone auch an der Loire, aber mit nitt (?) den pass ankon

und vermeint üli (?) und wasser zu passieren, diewil er aber gesächen und man im

in die zän gestanden, hat er sich nit wült hinüber 20 m wiewoll man mitt

muscgetten und haggen bedersits inen tag und nacht mithig zu samen geschosst,

und starck gegen ein andren gewachet, uff den 23 tag ist der vindt uff

brochen am abent in der nacht und uff Gray zu zogen an ein theill der Loire,

und wir mornden am andern theill hernach, sindt allso uff den 24 tag zu Gray

über die Loire in die vorstat mit unsser regiment zogen, der Gallathe für ussen uff

die höchi, und der Redig ist zu Chastillon noch bliben zur nachhut, und ligt

der künig in der stat zu Gray, der vindt zücht uff dissen 24 tag

gegen Montargis zu, mögent nach dissmal nit wüssen ob wir uff morn müssen

uffbrechen und dem vindt nach oder nit, gnedig hochehrende liebe herren und

vätter ob wir glichwol uff der strass und noch biss har nachwessig und hart gung

proviantirrt worden, so hat unss noch ir M früntlich empfangen, ich uch alls

gute gegen uns anerboten, und sonderlich gedankt, dz ir unsse herren und väter iren ietz

in höchster not allso dapffr syndt zu gestanden, erbat sich diss sectischen

glouben aus zu rütten oder mitt uns drob zu sterben. Es kommendt viel uss

der lutrisch huffen tütsche eignossen die sich selbs ergebendt, clagendt die gross

not, hebent weder gellt noch zu essen und sterbent gar machtig.

Wir verhoffen es werdt ir M ordnung gen und ir proviandt für bass

erlan wärde, gegen unss desglichen die zallung us on zwiffel flissig

ervollgen mit pitt ir min g hochehrende herren werdendt unss mit einem

schriben und recommendating gegen ir M by erster glegenheit ingedenk sin und mir verhofft

erschrifflich und uns müglich sin wärde, dz uns witers begägnendt mir

(2)

unsseren besten vermögen nach mit bericht nit mangeln lassendt ny

mine hochehrende liebe herren und vätter allso houptlüt gantz hochlich

unnd früntlich grüssen, und thüe eüch hirmit göttliche gnad trülich

bevellen, datum a Gray den 24 tag octobris anno 87

E underthäniger und

ghorsamer

Jost Krepsinger Oberst uber ein

regiment eydtgnossen in frankrych

deg (?) rats und stat Lucern