Uff Sanntt Martins tag anno 1587

Verschreib sich Hanns Fry burger zu Lucern, gegen siner schwöster

Agnes Fry umb fünffzig gulding haupttgutt, unnd davon iär-

lich uff sanntt martins tag dritthalben guldin zins an allen ihren

costen und schaden zuerleggen und zubetzalen. Allso unnd der

gestalltt, das er die selbigen ablösen möge wann er wölle unnd

sollches inn sinem vermögen sye. Sonnst soll er anders nütt ge-

nöttigtt werden zur ablosung, darumb so hatt er ihro zu

rechttem underpfandtt yngesetztt unnd verpfenndtt sin huss und

hoffstatt im inneren Wägis by dem brunnen gelegen,

zinsett hievor davon 10 g gelltts J Baschi Holldermeyers säligen

erben unnd dann 5 g gellts Hannsen Portman denoch

ledig unnd eigens beschach mitt denen gedingen wann das

huss über kurtz oder lang verkoufft würdtt, alls dann so söllen

disers fünffzig guldin auch abgelöstt werden.

Zügen richter und

grichttschryber