Min früntlich gruss...

[entschuldigt sich, dass er lange nicht geschrieben hat]

...derwil aber wie

stäts streng zogen damit den vindt dr pass vorbhallten wurde

wie dan bschähen, und aber wir bynebet stäts vermeint es

wurde etz fruchtbars vericht wärden damit wir üch ein rechten

grundt dr warheit hattindt mögen zu erbieten, ist die

zitt harzwüschendt allso verlouffen, und ir mt mit dem

hugenotischen schwiger und den rüttern cappitulieren lassen

durch den von Espernoy...

[mgh hätten ihren Urlaub wohl vernommen], welcher uns all gmeinlich

zu schnell und zu gschwindt bedunkt, hand nit vermeint, dz uff

so grosse mhü und arbeit und strengs zühen der urloub sollte also

dergstallt ervolgt sin, und desshalben üch begärt zwüssen, wo nit

(2)

wir doch dz verschuldet, da dan uns zu bescheidt worden, ir mt

ohne ein gnedigs vernügen, allein diewil dr dridt uss den feldt ze-

tret, und der winter uff den hals, so mangle und bedörffe hie (?)

dheins solchen schwären zugs dissmallen. Nach dem aber ire

mt herrn petermall dem obersten tresorier bevollen (?) mit uns

zu accordieren von wegen der zalungen, hat gmellter Petermall

unser begärn für ir mt bracht wie wir dan mit im bschlossen

uff gevalles ir mt, welchs dan uns des orts allso versprochen

worden, und zu ufgendts diss monats in vile (?) franchen erleit sel

werden, wo nit dz wir alls dan allda im soldt verbliben biss zu vollkomnen

zalung. Harzwischendt soll ich üch mine g h nit verhallten, nach

dem wir geurloubet, handt gmellter Petermoll junkher be(?)

Gallathi und andre in namen ds künigs an üch gegärt 2

fendli uss minen regiment und namlich von Lucern (damit

sich hernach khein ort zu beclagen habe wie sy gesprochen) und

des obersten regings regiment sollte lassen gäben, das ich mich

samt minen hauptlüten enschuldiget und nit wöllen thun, und

gesprochen, diewill ir mt unser regiment alls dz erst von

landern [am Rand: im felldt gsin] (den des regings ist nur ds kunigs lib gwardi gsin)

hettendt wir vermeint es wurde ouch nit zu erst geurloubet worden

sin diewil aber dz one alls vorbhallten geurlobet, so hegindt

wir ytz nit grad uss bwegenden ursachew uns von ein andren zu

sundern (?) und unser regiment brichen ein anders zu erfüllen, sonder

wendets für üch unser gh und obern lassen richten...

(3)

Und wz uns harzwüschendt fürfier dr zalung halben wendt wir one

miner ratz, darumb wir üch dan allwegen hochlich bittendt nüt ver-

absundt, der hoffnung ir mt werde unser dienst der kurtzen

zitt beschächen erkennen und uns one verlengt (dz uns dz liebst wäre)

mit gutten willen heim schicken, do wir üch dan muntlich witlöuffig (?)

bricht wellendt mit hilff Gottes....

Jost Krepsinger