Sambstags nach S. Gallen tag anno 1587. Ist Hanns Heer

von Rickenbach in S. Michels ampt inn m g h gfangenschafft

khomen, umb unnd von wegen das er von h obersten Krepsingers

regiment heimgeloffen unnd uff h ratsrichters fürhallten

hett er volgenden bscheidt geben.

Namblichen so zeigtt er an, er habe ein kranckheitt an den gmechten

gehept, und habe vermeint er syge ernehrtt, unnd daruff

under h houptman Rudolff Pfyffer in den krieg zogen, unnd

syge sin vorige kranckheit widerumb ussbrochen, ie das er nit

mehr habe möge dem regiment nachkhomen, und zu dem

mögen ernehren, unnd daruff heimbzogen. Zeigtt an er habe

den houptman nit gefragtt sonst hette er ime wol ein

passportten geben. Zeigt verner an er habe nit mehr von

dem houptman dan den monat soldt namblich 4 kn i dicken

empfangen.

B m g h umb gnade.