Zwüschen Jacoben Richlin alltt weibel zuo

Littow an i,

So danne Jacob Lux auch allt weibel daselbs 2

Jacoben Aregger ouch von Littow 3.

Ist uff verhör der kundschafft und alles handels erkennt

nach dem man zu Jacoben Aregger usshin gschickt inne

zu fragen sittenaml sich an keiner kundtschafft erfinde

das Jacob Richli solche wort von herren schulltheisens

Pfyffer geredt haben sölle. Wie aber er Aregger sich

vermessen wöllen und uff zwo kundtschafften gelendet

aber nachmalen daruff beharen wölle oder nitt wo er

dann beharen oder vermeint wölle nachmalen solches

zu erlegen, werde man ime nach dem bruch

zil und tag darzu geben. Alls aber Jacob Aregger

gnant wort diewyl er verstanden das sich solchs

an den gestellten kundschafften nit erfunden könne

noch wüsse er ime mit andres zethund wölle,

auch niemant wytter stellen. Da so sölle nun

Jacob Rychli und Jacob Lux uss der sach sin

uns sich gegen MGH und h schulltheissen Pfyffer

diser reden halb verantwort haben, hiemitt

Jacob Aregger dem Rychli den kosten abtragen, und

er auch h gwardian zun Barfussen h schull-

theis Pfyffer ob er nit entbären (?) wil im recht

vorbehallten sin.