Gestrengen edlenn frommen erenvesten fürsichdigenn ersamen
und wysen innsonder gnedigen günstigen lieben herren oberen
und gettrüwen vätteren, üch sigendtt unser underthenig gehorsam
willig diensten zuvor, gnedigen, erenden lieben herren und
gettrüwen vätteren, alls dann ier verschiner iarnenn handtt
ein mandatt und verbott ussgann lasenn das niemandtt by
libs straff under keine frümbde hauptlütt, usserhalb uwerm
grichttenn und gebietten, ouch zu keinem frembden herren und
fürsten züchen sölle, onne üwer verwilgung, über solches Hans
Martti Fättli, Dürig Schmidtt und Caspar Sutter one (?) alle
erleupnus üwer sindtt hinwegg gezogen, und zestunden (?)
wider nun anheisch werden, derhalben wir üch desselbigen berichtten
und versendigenn wellen üwers vätterlichen besheidtts
witter haruff erwarttende. Hiemit wier uns inn üweren
vätterlichen shirm bevelchende. Dattum uss unserem rhaatt
mendag nach dem sondag oculi anno 1588.
Üwer allzitt guttwillige
gettrüwe underthanen
Schultheis und rhaat
zu Willisouw
(2 Neues Dokument)
Gestrengenn edlenn, fromenn, erenvesten, fürsichtigen ersamen und
wyssen innsonders gnedigen erendenn lieben herren und oberen
üch sigendtt unser underthenig gehorsam willig dienstenn zuvor, uff
hütt ist vor uns erschinen unser lieber und gettrüwer ampttsgnos
Jacob Ruch der weibell vonn Uffhusenn und hatt uns berichtt unnd
angezeigtt demnach sin bruoder Martti Ruch nun ein lange zitt
by xiii iaren nitt entheimisch (?) gsin sunder under den dürcken und
under anderenn herren und fürsten gedienett, letstlich mitt denn
berneren und anderen hugenottischen herren inn Franckrich gezoggenn
und innen geholffen kilchen, kloster und gottshüser stürmen und verbrennen
ze letstlichen alls er heim komen solches angezeigtt darüber er Jacob
ime gestrafftt und mitt ime gnechet (?) das er gan Einsidlenn gangenn
gan bichtten und ime verheissen er welle sich für üch unser g. herren
und vätterenn pressentieren und üwer wysheitt solches selbs müncklichen
an zu zeigen, darüber er warttende üwer gnaden straff. uff
solches alls er Jacob mitt anderst vermeindtt dan er wurde dem allem
statt thuon, so syge er hinwegg zoggen und mögge nitt wüssen wo
hinn oder welchen wegg er zoggen sige, welches ime gar mechdig
leydtt sye, und hatt uns haruff gantz früntlichenn gebetten ime
ein fürgschrifftt an üwer wisheitt mitt zu theillen und zu geben und
üch deshalber zuo berichttenn unnd diewill uns gar woll im wüssen ist
das bemelter Maritz Ruch gar lange zit mitt anheimsch gsin sunders
inn krieggenn hin und wider gfaren, und ettliche zitt er entheimsch
gsin dermassen sich mitt eeren lütten ghaltten, das man hie (?) gsin
ist das er hinweg zoggen ist, und zuo Bergen (?) gsin das er ettwan
einen, oder ein anderen ime liblos gethan und zum theill der
guott weibell sin bruoder derein mitt vermag, und diewill uns
solches woll im wüssen ist so habentt wir dem guotten weibell
diserenn shin güettlichenn guelgein lasenn, letstlichen gnedigen
erenden lieben herren und gettrüwenn vätternn alls bemeltter
Moritz Ruch alhie zuo Willisow zum röslin gsin habentt wir
(3)
wir ime wellen gfengklichen inzüchen und üch überanttwurtten lassen.
Ist er heimlich gwarnett worden und inn der yll hinweg zoggen.
das wir nitt wüssen meggendtt welchen wegg er zoggen ist
welches wir üch gern brichtten wellendtt heimit wir uns inn
üweren vätterlichen shirm bevelchende. Datum uff unseren rhaat
donstag vor sanct fridlins dag anno 1588
üwere allzit guttwillige
gettrüwe und ersamen schultheis und rhaat
zu Willisouw
[Beiliegender Zettel]
Dem schultheis von Willisow schryben Maritz Ruch halb haben
MGH das schryben verstanden und kome ime ein mal nitt
anders thun, s ist aber übel zfriden mitt inne (??) den
übrigen räten das sy so schlechtlich zu sechen gethan die wyl
sy ime inn die statt im wirtshus ghept und nit andrest
darzu than dann das sy imme nuten unnd lassen derhalben
sölls sy nachmal acht geben ?? zfinden, gfenklich an-
gmannt und MGH zu schicken uf wo er ettwas guts hatt
zu handen MGH verhafften werde
[etc.]