(Schryben ettlich hauptlüt an h hertzogen von Gwysen)

Durchlüchtiger hochgeborner fürst gnädiger herr üwer ?? ??

sye unnser underthänig willig dienst unnd gruoss sampt

eidtgnossischer thrüw unnd wollgebürenden eeren

hiemit bevor ist fürst unnd herr. Diewyll wir

dann mitt unnsern fendlinen unnd kriegslütten die

beschützung ihrer M catholischen religion unnd der loblichen

cron Franckrych zuo guottem wider die Hugenotten von

unnseren oberherren ussgeschickt unnd allso der

meinung bisshaar verharrett. Wie aber die gött-

lich ewrig wyssheit wollgeordnet dz sollich gross volck der hugenotten

veriagt unnd zum theill erschlagen worden (durch

mittell die unns wollbewüsst). Sind wir vom könig

nach fürgebung ietz unnsers obristen ieder zyt wyter

uffgehallten worden, das wir nit annderst vernommen

oder vermeint, dann täglich wider die übrig

hugenotten in ettlichen stedten, unnd wider den könig

von Navarra angefürt unnd gebrucht zuo werden, bisann

ietzo verschiener tagen, alls wir durch sollich unnd der

glichen heimlich fürgeben in die statt Parys

listigklichen gebracht worden, daa wir alls Gott

unnser züg sye nüt annders gewüsst noch vermeintt

dann das ihn M wölle mitt sampt üwer ?? ?? und

den burgeren ettliche gmeinliche verborgen hugenotten

in der statt so uffrur unnd blünderung begärendt

an zerichten uff zemusteren, unnd hierumb habend wir

die fürnembsten lutt der statt allso söllen verwachen und

auch nüt annders geachtert biss letstlichen dz wir von den

herren und burgeren der statt erfaren wie die sachen gestanden

synndt. ouch augenscheinlich gespürtt wo üwer ?? ??

nit gewesen wäre, wir sammentlichen allso uff die fleisch

banck verkhoufft gewesen wärend, ietz uff dasselbig

alls wir vermeint ann unnseren ussstanden winn

bezallungen von ihr M ein gute summa zuempfachen

so zücht der könig allso von hoff unnd von unns hinwäg

lasst unns die houptlüt nüt annders wüssen, dann

dz mir sollend uffbrechen unnd zu ihr k M in der

konigin garten ziechen, da werdend wir wyttern be-

scheid empfachen, alls wir aber geschwind uffbrochen und

den könig daselbs nit fundent sonder uff sanct Glu

zu ihr M zeziechen unns bevolchen, da nun wir aber

ihr k M nit funden sonder atraba (?) zu yhllen müssen,

da dann wir hüt sambstags sind unnd ihr M auch nit

funden so sind wir durch solliche sachen mit sampt

unseren kriegslüten in höchster betrübtnus und wider

(2)

wertigkeit, sind gentzlichen dess vorhabens gewesen, widerumb

zukheeren mit unserm kriegsvolck das wir ouch khümerlich

biss hiehaar gebracht so werden wir ietz listigklichen unnd

gentzlichen bezwungen unnseren wäg gegen Parys zu under

lassen, unnd wyters hinab ihr M nach zezichen

habend unnser ettlich wenig gellt und gar dheinen rächten

bescheid das unns dann alles zum höchsten beschwärlich

derawegen so ist ann üwer ?? gnaden alls unsern

gnädigen fürsten unnd sonders geliebtten

verthrüwten herren, unser ganz demütig under

thänig pitt unnd ersuchen, üwer ?? ?? wolle uss

tragender liebe unnd willigkeit gegen unser nation

den catholischen eidtgnossen, unns in unserm

schwären annligen gnädigklichen rhaat hellffen unnd

bevelchen wessen wir unns doch hallten sollendt ess sye

glich unsers dienstes kriegs ouch unseren bezallungen

halber dann unnser ampt unnd kriegslüt uns umb

sollichs zum höchsten obligen wöllendt, wir sind ouch bester

und getröster hoffnung üwer ?? ?? werde unns

ihr ?? ?? gethrüwen diener uffs ehist und unverzagenlich

bevelch unnd gnädig hillf bewysen, unns so

möglich schrifftlich widerumb begebnen, durch diseren

botten was wir thuon söllend dann wir sind gentzlich

gesinnet üwer ?? ?? und ?? diener zuo syn und

blyben, unnd so dann üwer ?? ?? unnd ??

von unns begären würde, dz wir unns mit unsern

fendlinen unnd kriegslüten widerumb gan Parysen

oder anderst wohin beben solltten wöllend wir gern

vollgen, ünnd üch mit einem guten annzall

nach üwer ?? ?? bevelch verfügen alls geneigtte

diener. Datum denn 14 tag meyens im 1588 iar.

Albrecht Fröwler von Glaris

Conrat Tanner von Appenzell