Donstags den vierdten augusti anno 1588 ist Ullrich Hegnauwer
von Schongouw in Sankt Michels ampt in m g h
gefanknuss khommen, umb unnd von wägen dz
er wider m g h verbot under frömbden haupt-
lütten zu krieg gezogen.
Zeigt ann alls er us dem delphinatischen zug heimb
khommen unnd allda ein grosse thuwerung gewesen
er ouch dheinen meister unnd in summa gar
nüt zu werchen finden khönnden, do er us grossem
hunger und mangell, gezwungen worden in
krieg zezüchen. Sy im solothurner piet gsin alls
er dz kriegs geschrey vernommen. Volgends
zuo Solothurn gedinget. Unnd das nit der meinung
dz er m g h gebot veracht sonder us ursachen wie
gemelldt gethan. So er darann gfällt pittett
er üch m g h umb gnad mit erbietung in
khünfftigen disen und anderen m g h geboten
und verboten gehorsam zesind zewerchen unnd huss
zehallten.
Ist uff gwan urfeeth usgelassen.