Articles que les collonnel et capp(nes) du regiment des Suysses
qui sont maintenant a Chivon (?) pour le service du roy ont
presentez a monseigneur le duc de Nevers sur la proposition
quil leur a faicte a Tours de la part de sadte ma(te) le xxvi(e)
jour d'octobre 1588.
Premierement ilz supplient treshumblement mondt seigneur
de vouloir escrire au roy pour leur faire paier ce qui leur fut
promis a Chartres.
Que si sa ma(t) n'avoyt maintenant les myens si promptz que de leur
faire fournir ledt paiement et les prestz de moys en moys quil
luy plaise de leur faire presentement et aant que partir du
lieu ou ilz sont, paier les deux moys de leur solde et le prest
du present moys et que ilz atendront le prest du moys de no(bre)
prochain justquez a la fin dudt moys.
[am Rand:
Par l'estat que le sr de
Corbet a porte il a este
laisse fondz tant pour
les deux moys promis
aux Suisses que pour
leur faire prest de cinq
mil cinq cent escuz
sur le present moys
d'octobre lequel prest
leur sera continue
a (...)]
Que si la susdte somme ne pourroit estre fournie si promptement
pour tesmoigner tousiours laffection quilz ont du au service de sadt
ma(te) ilz sont content de recepvoir presentement lesdt deux moys
et attendre le prest du present moys et du moys prochain pour
laquelle somme mondt seigneur s'obligera en son propre pour (?)
nom ausdt collonnel et capp(nes) de leur faire paier dans le moys
de novembre prochain.
Advenant que mondt seigneur se retrast de larmee ilz le prient
de les ramener quant et luy daultant que sa ma(te) leur a faict
cest honneur de les retenir pour sa (...) Ilz la supplient
treshumblement de leur contendre (?) (...) et honneur.
[Am Rand:
Au cas que monsieur de
Nevers se retire de larme ce
que sa ma(te) ne veult croyre sadte
ma(te) les traitera avecq aultant
de faveur que aultres de leur nation
qui soient cy devant entrez en ce
royaume.]
(2)
Il leur sera aussi permis car advenain que on ne leur ...
leur sera promis de se pouvoir retirer sans que pour a la...
leur puisse estre faict aucun reproche en leur honneur et reputation.
[am Rand:
Il sera donne si bon ordre
a leur paiement quilz n'aurant
occasion de se retirer]
Et daultant que les capp(nes) qui ont este en Suysse pour faire la recrue (?)
de leurs trouppes furent contraintz de [licencier] les soldatz quilz
avoyent desia levez ce qui ne peult estre sains beaucoup de despense
pour les contenter, laquelle monsr l'ambassadeur leur promeste
au nom du roy de leur faire rembourser sa ma(te) de mesmes
desmerement (?) a Bloys promist de donner pouvoir a mondt seigneur
dy accorder avecq lesdt capp(nes) ce qui nauroyt este faict suivant
le rapport dudt seigneur il plaira a sadte ma(te) de leur donner
en cela le contentement quilz s'estiment promis.
[am Rand:
Sadte ma(te) faist vailler a envoyer
a chacun desdt capp(nes) ii(c) écu
pour faire leur revenu (?)
a moyen de quoy ilz doivent rendre
leurs soldatz a la frontiere sans
aultre fraiz pour le roy et lesquelz
ii(c) écu debveront (?) ester rabatuz sur
la monstre nestant entrez en ce
roy(me) touteffois attendu le service
quilz font a sadte ma(te) elle se
contente de ne leur en demander
aucune chose avec (?) leur en faict
don et sans tirer a consequence
pour ladvenir]
Sadte ma(te) promist aux quatre compagnies qui furent observes
a Paris de leur faire rendre les armes on leur en donnra dautre
et par mesme moys en faire quelque recompense aux blessez, on en
a receu desia quelque armes (...)
fauldront que le reste des soldatz sarmast a son despence ce qui
pourroyt apporter de desordre et du mescontentement parmy eulx
il plaira donc a mondt seigner den advertir sadte ma(te) affin
quil leur soit en cest article satisfaict et quil en ayt pouvoir
aussi d'accorder avecq les capp(nes) desdt compagnies.
[am Rand:
Sadte ma(te) a satisfaict a cest
artivle ayant faict achepter
des corseletz picques et harquebuzes
lesqeulles ont este distribues
audt capp(nes) pour (?) les armes
que eulx de Paris ont rendus}]
Faict a Bloys le xxxi jour doctobre 1588