Uff gemelltten tag ist Balthasar Bluom von [brysegken]

inn MGH gfangenschafft khomen, umb unnd von wegen das

er inn iüngstem uffbruch über MGH verpott in Franckrych

gezogen. Dessglychen das man vermeint er sine gellttschulden

nitt zubezallen haben. Uff h ratsrichters fürhalltten hatt er

folgenden bscheidt geben.

Namlich des zugs halben, spricht er habe nit vermeintt gefallt

zehaben diewyl der uffbruch nitt wider MGH beschehen, syge

kriegsch gsyn, zu dem, das vil anders in statt unnd ampt

Willisauw (so schultheis unnd rath zu Willisauw wol bewusst)

ouch in selbigen zug zogen.

Der gelltschulden halben vermeintt unnd verspricht er wölle sine

gelltten alle bezalen unangsechen das er vil in dem zehenden

verlorenn.

B MG umb gnad man welle ime

gnädig sin von wegen sinen kleinen khinder

dero er nün lebendig habe.