Kundschafft verhör in Jacob Rychlis handel gegen

Jacob Ariger, montags nach Valentini 1588

Burckhart Schwyngruber sagt er wüsse

nüt von sachen.

Hansheiri Byli zügt Rychli habe gsagt es sye

einer allein habe da nüt mögen schaffen.

Andres Dups zügt, Javob Ariger habe

geredt er wölle sins eignen guts x sol

geben das er mit diser sach nüt zuschaffen

ghept hette.

Vogt Keiser zügt, Jacob Rychli habe ime die

sachen klagt was reden über ime gangent

und an ime losen wöllen ob er ye davon

ghört, oder sonst args von ime vermerkt

in sins weibel und fürspreche ampt,

zügt er das er ützig derglychen oder böss

von ime nit ghört, habe ime wolgedient.

Vogt Zum Stäg zügt auch alls, was dann

den Uli Im Holtz belange alls uff ime zügt

wurdt sye war das er ime darumb anzogen

Uli aber habe gsagt es sye wol war das

ettwas von der Plawyler schlacht geredt worden

aber es sye so lang das es ime verschossen

und sich nit meer erinnern könne wie die

wort ergangen.