Petter

Zeigt an Claus Kuontz im grütt im grüenig ampt habe einen

rychen schwager einen predicanten ein Sonnenberg vom gschlecht

[gestrichen: habe solches grett der fünf orten halb] dieser syge ouch mit ime

under einem fendlin gsyn. Der habe geret die 5 ortt werden

mit dem Savoyer wider die Berner züchen, daruff er

gerett, nein, daruff Kuntz geret so züchend sy doch mit

seinen schwächer dem spanier, dis habend ir beyde weyber

auch gehört.

Item einer under dem landvogt von Enselfingen, ist sässhafft zuo

Busch glych under der schmidt hat einen puren hoff, diser

habe gerett [am Rand: inn sinem huss

alls sin volck bachen] h schullths Pfyffer und etlich und den 5 orten werdendt

dem Savoyer bystan Losannen helffen verwachen unnd

syge h schullths Pfyffer der oberist [unleserlich] und den funf ordten

die im zuzüchen werdent. Daruff er geret was meinst

wan wir muesendt wider den man kriegen, daruff

er geret er wüsses wo gluck syge da werde es gerachen.

Daruff der Zürcher geret er frage nüt darnach wan mans

verlüre, so welle er eben so gern catholsch alls lutherisch

syn, unnd so dis fürgadt, so wärde der Casimir den Bernern

so baldt sy ime beschryben werden mit starch zuff zuozüchen

disen pur syge ein kleins wolhabend mänli, und syge disers

purli in selbigen lerman ouch ussgemein gsyn

(2)

Vergichten ettlicher gfangnen so nütt desto

minder im thurmbuch yngestellt sind

A° 1589