Sambstags nach corporis christi ann 1589

Verschreib sich Hanns Fry burger zu Lucern, gegen m Jörg Furer dem schnyder auch

burger zu Lucern, namlichen umb einhundertt gulldin an müntz der statt Lucern wärung

hauptgutts, dieselbigen soll er ihme zu ennd diss kriegs wann er widerumb heim komptt

mitt samptt machzäligem zins unnd ohne allen sinen costen und schaden zu erleggen und bezalen,

wovern er aber mitt todtt abgienge, soll er alls dann uss sinen vorstennden besolldungen vor

mencklichem zalltt werden. Unnd zu meerer sicherheitt hatt er ihme zu rechttem unnder-

pfanndtt yngsetztt sin huss und hoffstatt im Wägis gelegen, mitt samptt aller zughörd und gerechtig-

keitt, statt hievor daruff fünffzig gulldin hauptgutts, demnach ledig eigen.

Zügen richtter und

gerichttschryber