Uff hütt ist vor m g h erschinen herr oberster Rudolff

Pfyffer des heilligen grabs ritter sampt den übrigen sinen

mitthoupt und kriegslütten räth und burgern vor m g h

erschinen, unnd iren fründtlichen abscheid und urloub genommen

in den kriegszug der catholischen vereinigeten pundts-

fürsten stetten und ständen in Franckrych zuvereisen

unnd m g h gantz fründtlich gebetten inen solliche urloub

unnd abscheyd fründtlich zuovergünstigen, ouch sy iederzytt

wie bisharr in gnaden zuo bedencken, unnd wo sach wäre

das sy by m g h in verdachtt oder sonst nachtheillige

reden uff sy ussgossen wurdent, sy iederzytt zuo

verantworttung kommen lassen, wöllen sy sich dermassen

halltten unnd tragen, das m g h ein gutt benüegen

haben werdent. Uff sölliches m g h inen ires begärens

halb gewillfahrt, unnd hiemitt glück gewünschet.