Ich Annders Hubler gross weibell zuo Bern bekenn offennlich hiemit das uff

anrüssen Adam Fässlis von Solothurn einer kunntschafft halb der warheitt

dero er gegenn Thüring den Kessler notdurffttig, an den edllen vesten herren

Johannsen von Erlach alltscheissen der statt Bernn unnd zu dieser zyt statthalltter

desselben ampts, minenn gnädigen herren gelanngt unnd noch desselben

mins herren verwilligung, nochlassenn und bevellch so ist nach des be-

melltenn Adam Fässlis veroffnung, unnd minem des grossweibells förmlichen

gepiettenn durch Clementzen Küffer innvonernn und gesässen allhie,

gerett unnd bezüget wordenn alls er dann ietz nöchst verschynen zugs ouch

drynnen unnd des genanntten Fässlis burss gsell gsin, unnd des obgemelltten

Kesslers frow inenn gekocht, unnd alls sy fürgitt semlich gelltt mitt kochenn

erobert, das sye nitt dann sy nitt mer dann essenn und trinckenn darvon

gehept unnd do man einenn lorman (?) geschlagenn, hettent sy zum ersten

zemorgenn wellenn essen, unnd aber inenn zespat wordenn do wäre der

obgenannt Fässli für die thür hinuss ganngenn unnd allso des seckells ann

halbs vergessen, und funnster ein iunnger Kessler ouch by im gewäsenn

unnd dnoacher beid mitt einanndernn widerumb hinzu kommen, do habe der

obbemelltt Adam Fässlin derselben frowenn den seckell selbs geben, aber wievil

dozmal dargen gewästen wisse er nitt, er habe inn aber nitt lanng darvor

by dryzechenn kronen, unnd ettlichenn müntzen, namlichenn ein dicken

pfenning marzell und annders gezeigt, unnd darzu von tag zu tag gelltt

genommenn, dann er ouch kundig unnd ein gut hanndtwerck könnenn

sye im ouch vast wol zu wissenn, das sy semlich gelltt nitt mitt kochen

gewunnenn, dann ira annders nitt dann alls obstat essens und trincken

darvon wordenn, wyter wisse er nitt zesagenn, unnd dise sin grätte kunt-

schafft by sinem geschornnen eyd bestätiget, unnd dess zu waaren urkunden

so hatt der obgenannt min g herr alltschulltheis der statt Bernn, sin

eigen insigell offenlich uff desenn verschlossnenn kundtschafft tancken

unnd denselbenn den bestimpttenn Adam Fässlin, werden lassen. Gebenn

montags zu der crüzwuchen vor der uffart unseres herren, nach christs

gepurtt gezallt fünnfftzechenhundertt zweinzig und fünntt iare