Donstags vor sanct verenen tag a 1589 ist M. Vytt Cäppelin

der pfister burger allhie umb ettwas trutziger reden willen so

er wider ein hoche oberkeit alls der stattknechtt ime ettwas

bussen in namen MGH gehöwschen ussgossen in MGH

gefangenschafft kommen, hatt allso uff herren raathsrichters

fürhalltten vollgenden bscheid geben.

Namlich es sye nit minder dann das er die wortt uss unverdachtem muott

er wölltte das einem diss gelltt uff der ssel verbrunne

geredt habe, sye im leyd, bätte derowegen MGH umb gnad.

Der Wortten halb diss ist die pention so man unns schickt sprichtt

er, es sye waar das sin son sölliches dem stattknechtt

zu antwortt geben.

Der übrigen wortten will er gar nit gichtig syn, wüsse nütt davon

der son möge wol zuvil geredt haben, sy ime thrüwlich leyd.

Sambstags nach sanct verenen tag anno 1589, ist M Vytt Cäppeli abermalen gfragt worden.

Blyptt by voriger anttwortt.

Bittet MGH umb gnad.

(2)

Uff obgemelltten tag ist ouch Simon Cäppelin vergenannts

M Vytten son umb ebenmessige reden in MGH

gefangenschafftt kommen hatt allso uff herren raats-

richters fürhalltten volgenden bscheid geben.

Namlich der wortten so syn vatter geredt habe sye ime nitt

zuowüssen dann er nitt daby gsin.

Der wortten halb von wegen der pention ist er gichtig das er sy

geredt habe sye ime leyd.

Der übrigen reden halb sprichtt er sye ime nit zuwüssen

das er sy geredt habe, möge wol syn das er sy geredt habe

wölle ein eerliche kundtschafftt nit hindersich stellen, sye ime

in grossem zorn beschehen, und sye ime von hertzen leyd.

Bätte MGH umb gnädige verzyhung und gnad.

Sambstags nach sanct verenen tag anno 1589 ist Simon Cäppeli abermalen

befragtt worden.

Blypt by voriger anttwortt, die reden sigentt ihme uss zorn und us un-

verdachtem mutt enttwütschtt, habe niemanden gemeintt, unnd meine noch

niemanden.

Bittet üch MGH umb gnad durch

Gott und Marya willen, wölle sich fürtthin

bhuttsamer hallten

[Verweis auf RP]