Uff hütt hannd MGH ihren burger Vytt Cäppeli mitt samptt sinem sohn Simon

Cäppeli umb unnd von wegen, alls diser tagen ein diener innen ettlichs bussen abgfordertt,

dar by ime mitt gar unnbescheidenlichen worten begegnett, namlich man käme woll

gehöüschen aber wann man gälltt usstheile bringe man innen nitt, dessglychen so syentt

ettlich die gwünnentt das ihro mitt schinden und schaben, der tüffel habe ettlichen

den lohn geben unnd werde bald ettlichen meer werden, unnd wölltten das ettlichen das

abnemmen (?) uff der seel verbrunne, unnd nach verhörung siner annttwortt, hannd MGH

erkenntt, das man den stattknechtt Mellcher von Rungks gegen innen stellen und gegen

einenadern verhören sölle.

Montags vor Marya geburtt anno 1589 hannd MGH widerumb über disen hanndel gerichttett,

unnd diewyll sy der wortten, nitt absyn können, sonnder MGH unns gnädige verzichung

gepetten, hannd MGH by der gfangneschafft gereichen lassen und sy umb xx lib gstrafft.