Herr gegen wölldt ein missiff an unser eignossen von

zug machen in namen miner g h, wie ich sambt minen

houptlüten vor gemeltem uns g h reisens uns erclagt wie ich

wie yetz den botten von Sollothurn von wegen dess gellts so

wir all zethun zum dritten mal ein grossen costen abeschafft,

darin wittrer costen vermitten, und allwegen unsern hoptlüten von

zug den iren, zu geschriben und sy vermanet iren theill gellts

zu erleggen oder aber uns gnugsame versicherung gulldinger oder

silbiner pfand, oder aber gute gneme (?) gällt brieff zu ze-

sichern (?), damit wir die yenigen so uns zu lichen versprochen möchtend

versichert wärden, und wiewoll unser villfallig schriben bis-

har by gemellten houptlüten wenig gellt noch erschiesslich

gsin, one angesähen ich houptman Goli noch nechst verschiner

acht er hie gsin sig anerbotten ghan ich in und sin mit-

gspan blange wöll er gnugsame versicherung har schike, auch inme

houptman Bachman und Zürcher die sich ire s(um)a an bargelt

anerbotten zu erleggen, zereden ich es besähen müsse, desglichen

ein houptman Russbouner und Ihernomus Heinrich wölle er

ouch reden ich sy glichfalls wovor ich bargelt ein verhanden

gnugsame versicherung har geschickt wärde wie obghört.

Und diewill nun min g h unsre clag ghört so synd sy

versehrt worden sy alls ire ordenliche oberkheit darus zeersuchen

und vermans ich sy die iren wöllendt darzu han ich merhalb

dieser 8 tagen solchs wie obstat beschähe, wovor so wärde man

den botten wie salldt er kome ine zu schicken, dan wir unser gebürdt

theill hinder üch unser g h gleit habnd und würdt in khein wittern

kosten ein gespans sin, dan die ander houptlüt all ir ver-

sicherung schon than.

Diss früntliche liebe schwager (?) wöllendt ir kurtz also nach üwer verstandt instellen

(2)

und es lassen siglen den gsanten von Zug üch antwurtten

uns ich es flissig also versichert, der brieff soll

einer g h namen an die oberkheit von Zug geschickt werden,

ime auch vermelden der bot von Sollothurn werde üch 8

tag wider hie sin, wovor man ins harzwüschen nit ein ires mechi (???)

E d w Rudolff Pfiffer