Uff andingen Melchern Müllers unnd Anthoni Stächelins beid von Zug

unnd gebott herren richters Ludwigen von Wyls dess grossen

rhaats zu Lucern ist nachvolgende khundtschafft belangendt h

obersten Ruodolffen Pfyffer riter burger zu Lucern uff

unnd yngenommen, den 9 tag meyens anno 1590

Herr haubtmann Heinrich Zumbach dess rhats Zug ann den bezügtt

worden gibtt syn antwortt diewyll der spänig handel die

ampts besoldung des iungst vergangnen kriegs antreffe unnd

er alls ein gewessner haubtman desselbigen zugs, von ettlichen unnd

siner fendlin ebenmessig ampts sold ansprachig derowägen

sines erachtens und nach siner oberkeit bruch ein secher in

diserem handel geachtet. Vermein er dess orts einiche

khundtschafft zereden nit schuldig sin, es khöne aber

wohin ess wolte unnd wann er genidet wurde wüsste er

anders nüt zureden wan als er züg einmal mit den treso-

rieren uff vier monat abgerechnet und under anderem

herren obersten Rudolffen Pfyffer ouch anbefragt wie

es mit den amptssoldungen ein gestalt habe unnd wers ime

gebe habe herr oberster vorgemelt geantwortt er habe die

mit den tresorieren einmal uff 4 monat verechnet

er werde den amptslüten darumb antwortten und sy zallen

müssen.

Herr haubtmann Brünsy uss dem thürgeüw hat sich ebenmessig

harinnen khundtschafft zegeben uss gedachter ursachen beschwert

unnd redt wohin es khäme und ob er schon ouch beeidet wurdt

so wüsste er herinnen anders nüt zuzügen dann das am andern

tag nach beschechner schlacht einer (nit möge er herre züg eigent-

lichen wüssen ob es grad der oberst furier oder ein anderer gsin)

zuo herren obersten vorbemelt khommen und sich siner

zallungen mechtig erclagt habe ime herr oberster geantwort

knechten gebe.