Zwüschen h hauptman Hansen von Mettenwyl 1.

Sodann Hansen Fryen burger allhie 2.

Antreffend von von wegen das Hans Fry von h hauptman von Mettenwyl geredt

er habe die unsern in iüngstem krieg in Franckrych uff den fleischbanck verkoufft

und das gellt so man inen geben söllen entragen derwegen sy grossen mangel und

hunger lyden müssen, ouch ettlich gstorben.

Ist uff verhör der kundtschafft und alles handels erkennt, diewyl sich an kundt-

schafft erfunden das die wort wie klagt allso ergangen, nach dem bruch zu Hans

Fryen zeschicken ob er solche sachen er wysen wölle, er aber ob er glych der wort sy

uff solche wyss uff h hauptman von Mettenwyl geredt haben nitt gestendig sin

iedoch anders nit erwysen wöllen und den handel mgh heimgsetzt, das

nun Hans Fry darstan und h hauptman von Mettenwyl nach dem bruch abreden

ime synen kosten abtragen und gwonliche buss geben, iedoch h hauptman von Metten-

wyl gebetten werden inne der leistung zu erlassen, ursach halb wie ime min

h schulltheiss sagen würdt.