Wir der statthallter und rhat der statt

Lucern thund kund mengklich mitt disem

brieff, das uff dem tag synes datumbs alls

wir rhatswyse by einandren versampt gsin wir

verstanden habend die strum und stöss so sich ge-

hallten zwüschen dem edlen und vesten unserem

besonders gethrüwen lieben mittrath hauptman

Hansen von Mettenwyl alls kleger des einen,

so dann dem eersamen unseren gethrüwen

lieben burger Hans Fryen an dem andren

theile, antreffend und von wegen das Hans

Fry der an worten von dem kleger geredt

er habe die unseren in iüngstem krieg in Franck-

ouch ettlich gestorben, harumb er der kleger [am Rand: ?del siner eer ?]

uff verhör der kundschafft erkent (?) diewyl sich ankundscht

sich die woll wie klagt ergegen nach dem bruch

zu ?? zeschicken ob er solche sachen erwysen wölle (?). Er aber

ob er glych der worte sy uff solche wyss uff den kleger

gredt haben nit gestendig sin iedoch anders nit

erwysen wöllen und den handel uns hin gsetzt

das einen darsten und nach dem bruch abreden kosst

und buss geben iedoch die klegd gebett werden ime

derleisung zu erlegen ursach halb wie imm

h schullths von zugen wurdt datum montag nach

iubilate 1590