Uff das h oberster houptman Rudolff Pfyffer sampt minen h den übrigen

sinen mithouptlütten vor mgh erschinen und für sich auch den

übrigen ire mithouplüt von Zug und Glarus von dem letsten du-

mänischen zug gebetten inen 2000 kronen ettwas zytts umb den zins

fürzesetzen uss ursach und uff mittel wie ir fürtrag gewisen,

da ber mgh mitt sollicher bewilligung wie geneigt sy doch

sind inen zehelffen, dissmals nit für schryten können umb das

die versicherung noch nit erlüttert. Iedoch damitt sy diss

mals in iren hohen anligen nit gsumpt werden und ir gsandt

abvertigen könnent ire zalung zu sollicitiren, so haben sy inen

verwillget ietz allso bar 500 kronen fürzestrecken umb wölche

sy mit guldinen und silbernen pfanden versicherung thun werden.

Uff zil und massen mit sampt dem zins wider zu erlegen 5 von 100

wie dann harnach beschlossen wurdt, das übrig sol noch ein

mal anstan bis man sich umb die versicherung und was

von nötten auch verglychen mag.